Aretxabaleta Lanbide Eskolaren xedea, lan munduko eta bizitzako erronkei erantzuteko prest egongo diren pertsona profesionalak heztea da. Enpresa, gizarte eragileen eta lan sektoreen beharrak elkarlanean identifikatzea eta aurre hartzea, lanbide-heziketako eskaintzak erraztuz eta eskura dituen giza baliabideak eta baliabide materialak optimizatuz. Horretarako gure egiten ditugu politika hauek:
- Gizarteari kalitatezko zerbitzua eskaintzeko konpromisoa. Ikastexeak, kalitatearen kudeaketa-ereduak jarraituz egiten du lan. Arlo honetan ondorengo esker onak jaso ditugularik:
- Kalitatearen kudeaketa, ISO 9001o
- Ingurumen-kudeaketa, ISO 14001
- Zilarrezko Q saria, 2006etik
- Ingurumena babestu eta Lan baldintza seguruak, osasuntsuak bermatzea, honetarako Garapen Iraunkorrerako Helburuak (GIH) txertatuz eta ingurumen kudeaketa ISO 14001 sistemaren bidez bermatuz. Ikastetxeak, konpromisoa hartzen du kutsadura eta energia-
kontsumoa murrizteko, eta materialak zentzuz erabiltzeko, berrerabiltzearen alde eginez eta birziklatzea ahalbidetuko duten neurriak hartuz. Ikastetxeak bermatu egingo du irakasleek zein ikasleek baldintza seguruetan eta osasuntsuetan lan egingo dutela. Aldi berean, osasunari eta elikadurari lotutako ohiturak sustatuko ditu.
- Euskararen erabilera eta hizkuntza-aniztasunarekiko errespetua bultzatzea.
Aretxabaleta Lanbide Eskolan Hizkuntza politikan lan egingo da, euskara erabiltzea lehenetsiko duen eredu eleaniztunaren alde eginez eta horretarako Hizkuntza Proiektua eta Ulibarri programa tresna izango direlarik. Hizkuntza politika horren barnean, euskara erabiltzea lehenetsiko da, nahiz eta ikastetxean beste hizkuntza batzuk ere presentzia izan. Leheneste horretan, irakasleek eta gainontzeko pertsonalak parte hartuko dute. Ikastetxeko zerbitzu guztiak euskaraz eta gaztelaniaz eskainiko ditu, D eredua eta ingelesezko moduluak indartuz. Gure ikasleen gaitasun komunikatiboak hiru hizkuntzetan garatzeko konpromisoa hartzen dugu, Hezkuntza Sailak finkatutako helburuak lortu arte. Enpresa, administrazio eta gizartearekiko komunikaziorako hizkuntzan ere Euskara lehenetsiko da, gutxienez lehenengo agurrak euskaraz eginez eta gero behar denean komunikazioa elebiduna izanez eta une oro euskararekiko dugun konpromisoa erakutsiz.
- Berdintasunaren alde lan egitea.
Aretxabaleta Lanbide Eskola LHII ikastetxean balioetan heztearen eta emakumeen eta gizonen arteko aukera-berdintasuna sustatzearen aldeko apustua egiten dugu. Emakume eta gizonen berdintasunaren aldeko neurriak garatu genero-ikuspegia formakuntzan txertatuz. Honetarako, Hezkuntza-komunitate osoa, eta, bereziki, ikasleak, sentsibilizatzen lan egiten dugu, eskola-eremuan estereotipo sexistak eta jokabide diskriminatzaileak zuzentzen saiatuz, eta industria-sektorean emakumeak prestakuntzara eta enplegura iristea sustatzen dugu. Guzti hau aurrera eramateko ikastetxeko Berdintasun plana dugu erraminta gisa.